Da AMI em relaçom com o acontecido na USC nos últimos dias, e o que ainda está acontecendo, queremos manifestar:

1.- A nossa solidariedade com o estudantado detido e imputado nas diligências do julgado nº 1 de Compostela. Um total de dous estudantes, militantes de Agir, fôrom detidos por estes feitos e outra pessoa tem declarado nos julgados de Compostela e posteriormente posto em liberdade polos mesmos feitos. Todos eles e todas elas exercérom o seu direito fundamental à liberdade de expressom. Estavam na sua universidade e na sua obriga de defender um acto organizado polo decanato onde Maite Cancelo se sentou na mesma mesa que Maria San Gil a opinar sobre mulher, progresso e economia. O estudantado fizo o que tinha que fazer, denunciar a presença do fascismo na faculdade.

2.- Existe um recurte na liberdade de expressom, no direito a reuniom e a manifestaçom muito grande. A democracia em que supostamente nos dim que vivemos a cada vez mais pinta mais preta: cerco social, terroristas por berrar a umha fascista, processos na Audiência Nacional, proscriçom de actividades e campanhas mediáticas que pedem detençons...  Pouco importam os motivos, o caso som os resultados que eles tiram da intoxicaçom e a enorme manipulaçom que se fai de todo.

3.- A enorme campanha mediática em que se viu envolto o estudantado parez ter sido produto ...