A luita de Massó já leva mais de quatro anos e em este tempo o Foro Social de Cangas, a Cofraria de Pescadores “San José” de Cangas e militantes de diferentes colectivos em defesa da Terra integrados em GZNV venhem denunciando e luitando contra o macroprojecto especulativo.
Todo começou com umha aliança entre Autoridade Portuaria de Vigo, Caixa Nova, Grupo Marina Atlántica e cimentado politicamente polo Partido Popular. A mobilizaçom vizinhal e marinheira pujo-se inmediatamente em marcha canalizada a través do Foro Social de Cangas. Nestas mobilizaçons os diversos aparatos politicos e sociais da oposiçom municipal forom mais ou menos activos. Tras as últimas eleiçons municipais BNG, ACE e PSOE, chegárom a um pacto de governo que recolhia como ponto de acçom municipal a oposiçom ao macroprojecto. Este pacto converte-se, quase desde o princípio, em fume.
O PSOE além de nom ter-se manifestado nunca em contra, tem todas as responsabilidades políticas. Abel Caballero, membro do PSOE, foi o presidente da Autoriade Portuaria desde o 2005. O Porto de Vigo, que carece de um plam de usos, tem-se revelado como um auténtico agente inmobiliário ao aced...
